T-SHIRT

Jaa chuki ho tum zindagi se,
Par yaade chhod chuki ho,
Nikaal nahi paa raha hoon tumhe apne dil se,
Najaane kyu itni door ho.

Yaad aa hee jaata hai vo 4 January ka din,
Us din mai tha saatve asmaan par,
Naach raha tha apne college ke bahar,
Naachte nachte T-shirt bhi phat hee gayi thi kisi chees mein phas kar.

ban gayi thi vo T-shirt pasandida,
Sambhaal kar rakha karta tha us T- shirt ko,
Kabhi use fek nahi sakta tha,
Bahut kuchh yaad dilaati thi vo mujhko.

Par ek din waqt badla,
Us waqt ke saath ek rishta khatam ho gaya,
Vo T-shirt ban gayi mere liye buri yaad,
Mann dukhi hone laga use dekhne ke baad.

Aakhir hata hee diya us T-shirt ko maine,
Fek diye use doosre kharaab kapdo ke beech mein,
Dil se najaane kyu nahi fek paa raha hoon tumhe,
Najaane aaj bhi kyu ho tum meri yaado mein.

“Tumhe bhool chuka hoon, ” yeh sunkar to duniya bevakoof ban hee jaati hai,
Par samajh nahi aata iss dil ko kaise bevakoof banaoon,
Tumhaare saath jeene ka sochta tha,
Par “ab to tumhaare bina jeene hee hoga, ” yeh dil ko kaise samjhaaoon.

Yeh sab likhte likhte aankhen bhar aayi,
Par aaj koi nahi hai yeh aasoon pochhne wala,
Aaj apni nazro se sawaal karta hoon ki “yeh nazre bhi tum par kyu aayi, ”
Par iska jawaab koi nahi hai dene wala.

-Praddyumn Kulshreshtha

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: